Икки кундан бери Руминия пойтахти аҳолиси Бухарест шаҳрининг марказида норозилик намойишини ўтказмоқда, деб хабар берди “Тvzvezda.ru” нашри.
Юз мингдан ортиқ одам қатнашган, ҳукуматга қарши ўтказилган норозилик намойиши авж олиб, полиция билан тўқнашувга айланиб кетди. Ҳукумат томонидан коррупцияда айбланган одамларга амнистия бериш қарори аҳолининг норозилигига сабаб бўлди.
Намойиш вақтида мушакбозлик авжига чиқди, одамлар полицияга қарата тош, тутунли портлаткичларни ирғитишди. Ўзини бошқара олмаган ёшлар дўкон витриналарини, реклама конструкцияларини бузиб ташлади, кўчада турган автомашиналарни тошбўрон қилди.
Полиция жамоат тартибини сақлаш учун кўздан ёш оқизувчи газдан фойдаланишга мажбур бўлди. Тўқнашув жараёнида ўнлаб намойиш иштирокчилари ва икки нафар полициячи ярадор бўлди.
Юзга яқин одам полиция томондан қўлга олинди.
