АҚШ президенти Дональд Трамп Эрон президенти Ҳасан Роуханийга “эҳтиёт бўлишни” маслаҳат берди, деб хабар берди “Ria.ru” нашри.
Журналистнинг Эрон президенти Ҳасан Роуханийнинг “Эронга таҳдид қилган ҳар қандай давлат кейинчалик ўзининг бу ҳаракатидан афсусланади” деган гапига Трампнинг қандай фикр билдириши ҳақида берган саволига АҚШ президенти “Яхшиси, унинг ўзи эҳтиёт бўлсин”, деб жавоб берди. Трамп маъмурияти иш бошлагандан бери АҚШ ва Эрон ўртасидаги муносабатлар кескинлашди. Дональд Трамп Барак Обамадан фарқли равишда Эронга “яхши” муносабатда бўлмаслигини тан олди.
