22 февраль куни Ўзбекистонда хизмат кўрсатган артист Алишер Файз ўзининг янги “Онаси” номли таронасини FM радиотўлқинлари орқали премьера қилади.
Мазкур тарона илк бор хонанданинг 2016 йил тақдим этилган “Севги ҳикмати” номли концерт дастурида жаранг сочганди. Концерт дастуридан ўрин олмаган ушбу таронани хонанда импровизация йўли билан жонли тарзда қўлида дутор билан ижро этган.
Тарона концертнинг ўзидаёқ оммалашгани ва мухлислар томонидан энг кўп сўралганлиги сабабли Алишер Файз уни студияда ёзди.
Қўшиқ сўзи ва мусиқаси Алишер Файзнинг ўзига тегишли. Тез орада хонанда мазкур таронага клип суратга олишни ҳам режалаштирган.
