Туркиянинг шарқий қисмида жойлашган Игдир ва Аралик шаҳарлари орасидаги йўлда икки автобус тўқнашиши оқибатида 6 киши ҳалок бўлди, 20 киши тан жароҳати олди, деб хабар берди “Ria.ru” нашри.
Автобусларнинг тўқнашувига нима сабаб бўлгани ҳозирча номаълум. Воқеа жойига полиция ва “Тез ёрдам” ходимлари етиб келди. Жабрланганлар касалхонага олиб кетилди. Автобусга қаттиқ зарар етгани туфайли унинг ичида қамалиб қолган йўловчиларни қутқариш ишлари олиб борилмоқда.
