Машҳур америкалик геймер (компьютер ўйинлари бўйича мутахассис) Брайан Виньо 24 соатлик хайрия марафонида вафот этди, деб хабар берди “Тvzvezda.ru” нашри.
20 февралга ўтар кечаси, тунги соат 23 да, ўзининг шахсий Twitch каналида онлайн-трансляцияни олиб бораётган пайтида унинг жони узилган. Геймер “PoshyBrid” ники билан машҳур бўлган. У чекиш учун чиқиб, қайтиб келмаган. Виньонинг кузатувчилари уни ухлаб қолган, деб ўйлаган. Танишларидан бири эртаси куни унга хабар юборганда, полиция детективи жавоб қайтарган. Ҳозирда Брайан Виньонинг ўлимига нима сабаб бўлганлиги аниқланмоқда.
Виньонинг ўлими ҳақидаги хабарни Виржиния штати полицияси тасдиқлаган. У 35 ёшда бўлиб, уч нафар фарзанднинг отаси бўлган. Трансляция ёзувларига қараганда, геймер бор кучи билан ухламасликка ҳаракат қилган.
