Италия полицияси Lidl супермаркети ходимлари томондан суратга олинган видеоролик юзасидан суриштирув ишларини олиб бормоқда, деб хабар берди “Тvzvezda.ru”нашри.
Кадрда икки эркакнинг қўрқувдан қичқираётган икки лўли аёлни ахлат контейнерига қамаб, устидан кулаётганликларини кўриш мумкин. Нашрнинг маълумот беришича, видеоролик Италиянинг Фоллонике шаҳридаги супермаркетда суратга олинган. Супермаркет ходимлари ахлат қутиларни титаётган лўли аёлларни кўриб, уларни чиқиндини қайта ишловчи контейнер ичига қамашган. Аёлларнинг қўрқувдан қичқириши уларнинг кулгисига сабаб бўлган. Ижтимоий тармоқларга жойлаштирилган мазкур видео 20 минг маротаба томоша қилинган. У ҳуқуқ-тартибот идораси ходимларининг эътиборини тортди, айни пайтда кадрга тушиб қолган эркаклар қидирилмоқда.
