Мелания Трамп АҚШ конгресси олдига дизайнер Майкл Корс яратган 10 минг долларлик либосда чиқди, деб хабар берди “Lady.mail.ru” нашри.
АҚШ президенти Дональд Трамп конгресс олдида илк маротаба чиқиш қилди. У конгрессга рафиқаси Мелания билан бирга ташриф буюрди. АҚШнинг биринчи хоними тадбир учун нархи 10 минг долларга яқин бўлган либосни танлади.
Women’s Wear Daily нашрининг ёзишича, мазкур либоснинг дизайнери Майкл Корсдир. Мелания кийган блейзернинг нархи 5 минг доллар бўлса, юбкасининг нархи 4,6 минг доллардир. Мазкур либосни Michael Kors`нинг баҳорги коллекциясидан топиш мумкин. Тадбирда яна Дональд Трампнинг қизи Иванка Трамп ва куёви Жаред Кушнерлар ҳам иштирок этишди.
