Жорий йилнинг май ойида Ўзбекистонда V Европа фильмлари фестивали ўтказилади. “Ўзбеккино” Миллий агентлиги директори Отабек Мусаев Европа Иттифоқининг мамлакатимиздаги делегацияси элчиси Эдуардс Стипрайс билан ушбу тадбирни ташкиллаштириш масаласини кўриб чиқди.
Европа фильмлари фестивали “Ўзбеккино” МА ва Европа Иттифоқи делегацияси ҳамкорлигида 2013 йилдан буён анъанавий тарзда ўтказиб келинади. Ўтган йилги фестиваль дастурида Европа Иттифоқига аъзо 12та мамлакат ва Швейцария киноижодкорлари томонидан ишлаб чиқарилган ҳамда нуфузли кинофестивалларда ғолиб ва совриндор бўлган жами 17та бадиий фильм намойиш этилган эди.
