Британиялик хонанда Адель турмушга чиққанлигини расман эълон қилди, деб хабар берди “Gazeta.ru” нашри.
Хонанда Саймон Конекига турмушга чиқди.
Адель ва Конекининг тўйи бўлиб ўтгани ҳақида анчадан бери миш-мишлар юрган бўлса-да, хонанда буни яқинда, Австралиядаги концерт дастурида, Someone Like You қўшиғи ҳақида гапираётганда расман тан олди. Хонанданинг сўзларига қараганда, мазкур қўшиқни у турмуш ўртоғи билан энди танишган пайтларида, муҳаббатидан илҳомланиб, яратган. Адель айрилиқни даҳшатли нарса деб, инсоннинг инсонга бўлган ҳис-туйғуларини Ер юзидаги энг ижобий туйғу деб таърифлади. Хонанда шу билан бирга ўзининг турмушга чиққанлигини расман маълум қилди.
