Донбассда савдо қамалини ташкил этган радикаллар “Народный фронт” фракцияси Юқори Радаси депутати Татьяна Черноволга тухум ирғитди, деб хабар берди “Tvzvezda.ru” нашри.
Татьяна Черновол миллатчилардан темирйўл устига ўрнатилган блокпостларни олиб ташлашни талаб қилаётганда жабрланди. Депутат савдо қамали Украина манфаатларига зарар келтиришини тушунтиришга ҳаракат қилди.
Январь ойининг охирида радикаллар Донбассдан келувчи кўмир ортилган поездлар ҳаракатини тўхтатиб қўйди. Оқибатда Украина аҳолиси ёқилғисиз қолди, электростанциялар фавқулодда ҳолат тартибига ўтказилди. Мамлакатда электроэнергиянинг нархи уч баробар ошиб кетди.
