31 ёшли супермодель Ирина Шейк ва 42 ёшли актёр Брэдли Куперларнинг илк фарзанди дунёга келди, деб хабар берди Deti.mail.ru нашри.
Бола бундан икки ҳафта илгари туғилган бўлса-да, Шейк ва купер унинг туғилганини, жинсини, исмини яшириб келган.
Ирина ва Брэдли тўнғич фарзандларига нима деб исм қўйишларини келишиб олишди. Купер 2011 йилда оламдан ўтган отасининг шарафига ўғил бўлса Чарльз, қиз бўлса Шарлотта (қисқартирганда Чарли бўлади) деб аташга қарор қилди.
Иринанинг ҳомиладор эканлиги декабрь ойида Парижда ўтказилган Victoria's Secret бренди намойишида подиумга чиққанида маълум бўлган эди.
Модель ва актёр 2015 йилнинг апрель ойидан бери бирга яшамоқда. Улар Купернинг Лос-Анжелесдаги данғиллама уйида истиқомат қилишади. Ирина 2015 йилнинг январь ойида беш йил мобайнида учрашиб юрган футболчи Криштиану Роналду билан ажрашган эди. Брэдли илгари актриса Женнифер Эспозитога уйланган бўлиб, улар бор-йўғи 4 ой бирга яшаган. Шундан кейин Купер актрисалар Рене Зеллвегер, Зои Салдана ва британиялик модель Сьюки Уотерхауслар билан учрашган.
