Сенатор Лариса Уотерс фарзандини парламент биносида эмизган илк сиёсатчи аёл бўлди.
Яшиллар партияси аъзоси ўзининг икки ойлик чақалоғи Алия Жойни Австралия парламенти биносида овоз бериш чоғида эмизди.
Австралия парламенти биносида аёлларнинг фарзандини эмизишига ўтган йили рухсат берганди, аммо Уотерсга қадар ҳеч бир сиёсатчи бу ҳуқуқидан фойдаланмаган.
Бунгача болаларнинг мажлислар залида бўлиши қатъиян тақиқланган, эмизикли боласи бор аёллар ишончли вакиллари орқали овоз беришган.
Эмизишга рухсат 2015 йилдаги жанжалдан сўнг берилган. Ўшанда вазир Кейли О'Дваерга парламентдаги ишини узлуксиз бажариши учун сутини соғиб болага бериш айтилган.
“Бизга парламентда кўпроқ ота-оналар керак. Шу сабаб оилалар учун қулай бўлган жойлар зарур”, - деб ёзади Уотерс “Фейсбук” саҳифасида.
Болани эмизиш дунёнинг аксарият парламентларида жуда нозик масала саналади. 2016 йилда испаниялик депутат фарзандини парламент биносида эмизгани учун жуда кўп шов-шувларга сабаб бўлганди.
Британиялик депутатлар бир неча бор ана шу тақиқни олиб ташлашга чақиришган.
