Америкалик теннисчи, 37 ёшли Винус Уильямс 9 июнь куни рўй берган, оқибатда бир киши ҳалок бўлган ЙТҲ сабабчиси бўлди, деб хабар берди Tvzvezda.ru нашри.
Йўлда 78 ёшли эркак бошқарган автомобиль теннисчининг атомашинаси билан тўқнашган. Орадан икки ҳафта ўтгач, эркак касалхонада вафот этди. Воқеа 9 июнь куни Флорида штатида рўй берган бўлса-да, бу ҳақда энди маълум бўлди. Вафот этган эркакнинг ёнида бўлган рафиқаси ҳам тан жароҳати билан касалхонага ётқизилган. Полиция мазкур ЙТҲда айнан Винус Уильямсни айбдор, деб топди. У йўл ҳаракати қоидасини бузганликда айбланди. Текширув натижасида Винус Уильямснинг қонида алкоголь ва гиёҳвандлик моддалари йўқлиги аниқланди.
Эслатиб ўтамиз, Винус Уильямс — тўрт маротаба олимпиада чемпиони бўлиб, машҳур теннисчи Серена Уильямснинг опаси ҳисобланади.
