Хонанда Лола Instagram`даги саҳифаси орқали ёш болаларга ота-оналар томонидан тез-тез айтилиши керак бўлган ибораларни ёзиб қолдирди.
“Фарзандингиз оғир-босиқ, бахтли, ўзига ишончи юқори бўлиб улғайишини, энг асосийси сизга ҳаётидаги энг асосий инсон сифатида ишонишини истайсизми?
Мен психолог эмасман, бироқ сиз билан фарзандларимиз ўзларини севимли ва ҳимояланган ҳис этишлари учун уларга тез-тез айтиб туришимиз лозим бўлган ибораларни бўлишмоқчиман.
1. Мен сени яхши кўраман!
2. Сен ҳаётимизда борлигингдан бахтлимиз!
3. Сен дунёдаги энг чиройли қиз(бола)сан!
4. Сен жуда истеъдодлисан
5. Истаган нарсангни гапириш ва қилиш учун журъатли бўл!
6. Кечинмаларинг ҳақида сўзла беришдан чўчима! Улар таассуротларини сўзлаб беришса, фарзандингиз сизга сирини ишонгани учун миннатдорчилик билдиришни унутманг!
Мана шу сўзларни фарзандингизга имкон қадар кўпроқ айтишга ҳаракат қилинг! Шундагина фарзандингиз тўлақонли шахс бўлиб вояга етади!”,—деб таъкидлайди хонанда.
Маълумот учун, Лоланинг икки нафар фарзанди бор. Унинг қизининг исми Шаҳина, ўғли эса Шоҳдиёр. Хонанда фарзандларининг суратларини ижтимоий тармоқлардаги саҳифаларига жойлаб, уларнинг қизиқишлари, фикр ва ўйлари ҳақида мухлисларига ҳикоя қилиб келади.
