Ҳиндистон суди диний устоз — гурунинг жасадини руҳи қайтиб келишини ҳисобга олиб, дафн этмасдан музлаткичда сақлашга рухсат берди, деб хабар берди Ria.ru нашри.
Диний ташкилот асосчиси , гуру Ашутош Махараж 2014 йилнинг январь ойида Панжоб штатида юрак хуружидан оламдан ўтган эди. Унинг шогирдлари Махаражнинг ўлмаганлигини, балки чуқур медитацияда эканлигини маълум қилиб, унинг танасини музлаткичда сақлаб келишган. Биринчи босқич суди Махаражанинг танаси ҳинд урф-одатларига биноан ёқилиши керак, деган қарор чиқарган эди. Буни гурунинг ўғли Далип Кумар ҳам талаб қилганди. Аммо чоршанба куни Панжоб ва Карьян штатлари суди гурунинг танасини Панжобнинг Лудхияна шаҳри тиббиёт маркази шифокорлари назорати остида музлаткичда сақлашга рухсат берди.
