АҚШнинг Миссисипи штатида ҳарбий-транспорт самолёти қулаши оқибатида самолёт бортида бўлган 16 киши ҳалок бўлди, деб хабар берди Lenta.ru нашри.
Дастлабки маълумотларга кўра, С-130 “Геркулес” самолёти ҳалокатга учраган. Фалокат 10 июль куни тунда рўй берди. Ҳалок бўлганларнинг жасадини қидириб топиш ишлари давом этмоқда. Фалокатга гувоҳ бўлган одамнинг маълумот беришича, самолёт далага қулаган. У воқеа жойига етиб келгунча, самолётда кучли ёнғин кўтарилиб, ёниб кетган. Шиддатли ёнғиндан самолётга яқинлашишнинг иложи бўлмаган.
Fox News нашрининг ёзишича, Жексон шаҳридан 140 километр узоқликка қулаган самолёт АҚШ денгиз пиёдалари Корпусига тегишли бўлган. Бу маълумотни мазкур Корпус ҳам тасдиқлади. Самолётда ўқ-дорилар бўлган.
