Калифорнияда яшовчи 62 ёшли ливиялик Муҳаммад Бзик 20 йил мобайнида бедаво дардга чалинган 80 нафар болани боқиб олди, деб хабар берди Tengrinews.kz нашри.
Муҳаммаднинг сўзларига қараганда, у икки йил илгари вафот этган рафиқасининг ишини давом эттирмоқда. Эркакнинг ўз ўғли ҳам касал бўлиб, у “биллур одам” синдромига чалинган. Муҳаммад ўтган йили касалликка чалиниб, хавфли ўсимтани операция қилдирди. У асраб олган болаларнинг ўн нафари қўлида жон берган. Муҳаммад болалар бошидан ўтказган қўрқувни ўз бошидан ўтказганлигини тан олди. “Операция столида ётганимда, бемор болалар қанчалик қўллаб-қувватлашга, ёрдамга муҳтожлигини ҳис қилдим”, деди Муҳаммад.
