25 йиллик қамоқ жазосига ҳукм қилиниб, унинг 21 йилини панжара ортида ўтказган Жаббор Вашингтон ниҳоят озодликка чиқиб, оиласи бағрига қайтди, деб хабар берди Tvzvezda.ru нашри.
Нью-Йоркда нотўғри айблов туфайли қотилликда гумонланиб, 21 йил қамоқда ўтирган эркак озодликка чиқди. 1997 йилда Рональда Эллиснинг хонадонига номаълум шахслар ниқоб кийган ҳолда кириб, уй эгасини ўлдирган, оила аъзоларидан беш кишига тан жароҳати етказган эди. Жабрланганлардан бири полицияда мазкур қотилликда Жаббор Вашингтондан гумон қилаётганлигини маълум қилган. Бироқ эртаси куни адашганлигини, Жаббор Вашингтонни уйи олдида кўп маротаба учратганлиги учун ундан шубҳаланганлигини айтган. Унинг кўрсатмалари ҳужжатларга қайд этилади, аммо судланувчининг адвокатига етиб келмайди.
Орадан 21 йил ўтгачгина, ҳимоячи Вашингтоннинг айбсизлигини исботлади. Белгиланган 25 йиллик қамоқ жазосининг 21 йилини панжара ортида ўтказган Жаббор Вашингтон ниҳоят оиласи бағрига қайтди.
