Бугун ижтимоий тармоқ ва ОАВларнинг барчаси Қозоғистоннинг Чимкент шаҳридаги тўлардан бири учун тайёрланган торт ҳақида гапирмоқда, деб хабар қилди Sputniknews-uz нашри.
Хабарда айтилишига кўра, тортни Ренат Агзамов исмли қандолатчи тайёрлаган. Торнинг оғирлиги 1,5 тонна, диаметри 3 метр, баландлиги 4,2 метр. Нархи эса — 21 млн тенге ёки 179 000 долларни ташкил қилади.
Ушбу тортнинг оддий тортлардан яна бир фарқи — унинг устида ҳақиқий қўғирчоқ театри намойиши бўлиб ўтганидир.
Тортнинг усти чиройли, бир неча қаватдан иборат ўйинчоқ қаср билан безатилган. Торт омма олдига олиб чиқилганидан кейин, икки от қўшилган чиройли фойтун қаср олдига келиб тўхтади. Ундан келин ва куёв тушиб қаср ичига киришди, сўнг қасрнинг учинчи қаватига чиқиб, балкондан кўринишди. Демак торт ичида лифт ҳам ўрнатилган экан.
