Ижтимоий тармоқларда қорабузов (баклан) номли қушнинг заҳарли илон билан бўлган олишуви акс этган видео пайдо бўлди, деб хабар берди Ria.ru нашри.
Мазкур кадрни австралиялик Алексис Кеклику суратга олди. “Итим билан сайр қилиб юрганимда тумшуғида заҳарли илонни тутиб турган қушга кўзим тушди. Илоннинг жигарранг-олачипор эканлигини кўриб, ўта заҳарлилигини дарров англадим” дейди видео муаллифи.
Видеодан қуш тумшуғидан қутилиш учун типирчилаётган илонни, унинг қочиб кетишига йўл қўймаётган қушни кўриш мумкин. Кадрда қуш тап тортмай, илонни ютиб юбориб, денгиз томон кетганлиги ўз аксини топган.
