Англиянинг Экстер шаҳрида яшовчи, автобус ҳайдовчиси бўлиб ишловчи Фрэнк Приддис исмли эркакка касалхонадан қўнғироқ қилишиб, рафиқаси вафот этганлигини хабар қилишди, бироқ касалхонага келган эркак рафиқасининг палатада ухлаб ётганлигини кўрди, деб хабар берди Ria.ru нашри.
Приддиснинг айтишича, у касалхонага етиб келгунга қадар рафиқасини оламдан ўтди, деб ҳисоблаган. Ҳамшира унга қўнғироқ қилганда, саратонга чалинган рафиқасининг вафот этганига бир соат бўлганлигини билдирган. Касалхонага етиб келган Приддис шифокорни кутиб ўтирган вақтида, негадир рафиқаси ётган палатага мўралаган. Шунда палатада каравотда ухлаб ётган рафиқасига кўзи тушган.
Маълум бўлишича, касалхона ҳамшираси унга адашиб қўнғироқ қилган. Касалхона маъмурияти англашилмовчилик учун Приддисдан узр сўради.
