Санкт-Петербургнинг “78” канали 11 февралда Подмосковьеда қулаган Ан-148 самолёти учувчиларининг фожиадан бир дақиқа аввалги суҳбатини эълон қилди.
Хабарда айтилишича, ҳаво кемаси командири ва иккинчи пилот самолёт тезлиги борасида баҳслашиб қолишган. Учувчилар тезликни меъёрга келтиришганида, иккинчи пилот хатога йўл қўйган.
Ҳаво кемаси командири: Пастга қаерга?! Қаерга пастлаяпсан? Нимага пасталаяпсан?! Қаерга?
Автоинформатор: Тезликни меъёрга келтиринг, тезликни меъёрга келтиринг.
Иккинчи пилот: Чунки.. ёлғонни қўйсангчи, тезлик 200…
ҲКК: Юқорила! Кўтарил! Юқорила!
Автоинформатор: Terrain ahead! Terrain ahead! PULL UP! Terrain ahead! («Олдинда тўсиқ бор! Тезликни юқориланг! Олдинда ер!»)
ҲКК: Юқорига!
Автоинформатор: Terrain ahead! Terrain ahead! PULL UP! Terrain ahead!
ҲКК: Бўлди, ҳаммаси тамом…
“78” каналда таъкидланишича, иккинчи пилот саросимага тушганида самолётни юқорига кўтариш ўрнига пастлаган.
Эслатиб ўтамиз, “Саратов авиалинияси” нинг Ан-148 самолёти 11 февралда Москва областининг Раменск туманида қулаган эди. Ўшанда 65 йўловчи ва экипаж аъзолари ҳалок бўлган.
