Санкт-Петербургда мактаб ўқувчилари доридан оммавий заҳарланди. Бу ҳақда РИА Новости ўз манбасига таяниб хабар беради.
Заҳарланган 15 нафар мактаб ўқувчиси касалхонага ётқизилган. Шаҳардаги 5-болалар клиник шифохонаси бош шифокори Л.Исанкинанинг маълум қилишича, уларнинг 3 нафари жонлантириш бўлимида.
Санкт-Петербургдаги 97-мактабда содир бўлган мазкур ҳодисани полиция текширмоқда. Ўқувчилар қабул қилган ҳапдори тинчлантирувчи дори воситаси - "Феназепам" бўлиб чиққан. Унинг болалар қўлига қаердан келиб қолгани ҳам аниқланмоқда.
Заҳарланганлардан 11 нафарининг аҳволи қониқарли ҳолатга келган.
16.03.2018 16:59
Санкт-Петербургда мактаб ўқувчилари доридан оммавий заҳарланди
