Ҳатто энг ашаддий кино ишқибози ҳам кино оламидаги баъзи фактларни билмаслиги мумкин, дея ёзмоқда Billionnews.ru нашри.
Қуйида кино саноатидаги ноодатий, ажабтовур фактлар келтириб ўтамиз.
1. “Харобадан чиққан миллионер”
Mercedes-Benz компанияси мазкур фильмда иштирок этган машиналардан логотипларини олиб ташлашни сўраган. Сабаби – фильмдаги ночор ҳудудларда суратга олинган Mercedes-Benz машиналари фирма имижига салбий таъсир кўрсатиши мумкин бўлган экан.
2. “Терминатор 2: Қиёмат куни”
Арнольд Шварценегернинг ушбу фильмдаги гонорари 15 миллион доллар бўлган. Актёр фильм давомида 700 сўз айтади. Бу – ҳар бир сўз учун 21 429 доллар деганидир. Шундай қилиб, ўша машҳур “Аста ла виста, бэйби” компанияга 85 716 долларга тушган.
3. “Казино Рояль”
Фильмдаги автоҳалокат саҳналари учун ҳар бири 300 минг доллар бўлган учта Aston Martin DBS машиналари пачоқ қилинган.
4. “Аватар”
Ушбу фильмдаги жонли тасвирлар 40 фоиздир, қолган 60 фоизни компьтер элементлари ташкил этган.
5. “Тор”
Ушбу фильмни суратга олиш учун Галистео (Нью-Мексико штати)да бутун бошли шаҳар қурилган.
6. “Рокки”
Ушбу фильм 28 кун давомида суратга олинган.
7. Хитой ва кино
Хитойда кино ёки телевидениеда вақтлараро саёҳатларни акс эттирувчи саҳналарни кўрсатиш ман этилган.
8. Сандра Баллок
Сандра Баллок “Энг яхши актриса” номинациясида “Оскар” мукофотига сазовор бўлишидан бир кун олдин “Энг ёмон актриса” номинациясида “Олтин малина” мукофотини олган.
