Москвадаги касалхоналарнинг бирида 63 ёшида "МММ" инвест ташкилотчиси Сергей Мавроди оламдан ўтди.
Москва маҳаллий ОАВлари хабарига кўра, Мавроди ўзини автобус остановкасида ёмон ҳис қила бошлаган ва 67 шаҳар касалхонасига етказилган .
Нашрлар хабарига кўра, Мавроди бугун эрталаб оламдан ўтган.
Мавроди ўлимининг дастлабки сабаби сифатида юрак хуружи кўрсатилмоқда.
Мавроди бошчилигидаги МММ — Россиядаги энг машҳур молиявий пирамидадир. У Понци схемаси бўйича ишлайди. Компаниянинг биринчи итерацияси 1992 йилда ташкил килинган ва ҳукуматлар томонидан 1997 йилда фирибгарликда айблов билан ёпилган.
2003 йилда Сергей Мавроди 4,5 йилга фирибгарлик жинояти учун қамалган. Мавродининг молиявий пирамидасидан 10 минг киши жабрланган деб тан олинган.
