12 июнь куни Бразилия футбол бўйича навбатдаги жаҳон чемпионати старт олади. Тўрт йил аввал каби ушбу мусобақада юртимиз шарафини фақатгина Равшан Эрматов ҳимоя қилади.
Эрматов ЖАР майдонларида ўтказилган жаҳон чемпионатида 5 та учрашувни бошқарган. Шу қаторда жаҳон чемпионатининг илк учрашувини бошқариш ҳам унга ишониб топширилган эди.
2 кундан сўнг Бразилияда бошланадиган мундиалда ҳам ФИФА Равшан Эрматов ва унинг бригадасига ишонч билдирмоқда.
ФИФА ўзининг youtube’даги каналида ҳакамларни таништириб чиқди. Улар орасида Равшан Эрматов ҳам бор. Қисқа интервью давомида Эрматов фаолияти ҳақида сўзлаб берган.
