Криштиану Роналдунинг Португалия терма жамоасидаги 23 йиллик фаолияти якунланганидан сўнг жамоанинг янги сардори ким бўлиши маълум бўлди.
Бош мураббий Жорже Жезушнинг маълум қилишича, Роналдудан кейин капитанлик боғичи Бернарду Силвага топширилади. Бу ҳақда «A Bola» нашри хабар берди.
Мураббийнинг таъкидлашича, терма жамоада сардорлар футболчиларнинг миллий жамоа сафида ўтказган ўйинлари сонига қараб белгиланади. Ушбу тартибга кўра, сардорлар рўйхати қуйидагича шаклланган:
-
Бернарду Силва;
-
Рубен Диаш;
-
Жоау Канселу;
-
Рубен Невеш;
-
Бруну Фернандеш.
32 ёшли Бернарду Силва Португалия терма жамоаси сафида шу вақтга қадар 115 та учрашувда майдонга тушиб, 14 та гол урган. У миллий жамоа билан икки марта Миллатлар лигаси ғолиблигини қўлга киритган.
Футболчи фаолияти давомида «Бенфика», «Монако» ва «Манчестер Сити» клубларида тўп сурган. У Англия клуби сафида олти марта мамлакат чемпионлиги, беш марта Лига кубоги, уч мартадан Англия кубоги ва Суперкубоги, шунингдек, Чемпионлар лигаси ғолиблигини қўлга киритган.
