Канаданинг Британия Колумбияси вилоят суди маҳаллий фуқаро Уинстон Блекморга нисбатан 24 та аёлга уйлангани учун жазо тайинлади, деб хабар берди knews нашри.
Суд қарорига биноан Блекмор 6 ой мобайнида уй қамоғида сақланади. Шу билан бирга унга 150 соат жамоат ишларига жалб этиш жазоси ҳам қўлланади.
Блекмор биринчи марта 1975 йилда уйланган. 61 ёшли Блекморнинг хотинларидан 4 таси никоҳ пайтида 15 ёшда бўлган. Унинг барча аёлидан 149 нафар фарзанди бор.
Таъкидлаш жоиз, канадалик Блэкмор Муқаддас Исо Масиҳ Мормон фундаментал черкови аъзоси бўлгани учун олдин жавобгарликка тортилмаган. Чунки, у ерда олдин кўпхотинлик қадриятлари сақланиб қолинган эди. Бу билан унинг дин эркинлиги эътиқодига қарши чиқишган бўлишарди.