Американинг Аризона штатида 92 ёшли Анна Мэй Блессинг уни қариялар уйига топширмоқчи бўлган ўғлини отиб ўлдирди, деб хабар берди lenta.ru нашри.
Аёл жиноятни амалга ошириш учун пухта режа тузиб, бир неча кун давомида тайёрланган. У тўппончани халати чўнтагига солиб, ўғли билан келини ётган хонага йўл олган. Аёлнинг 72 ёшли ўғли бўйни ва иягига теккан ўқдан воқеа жойида ҳалок бўлган. 57 ёшли келин эса кампирнинг қўлидан тўппончани тортиб олишга муваффақ бўлган.
Фожианинг юз беришига ўғилнинг онасини қариялар уйига топширмоқчи бўлгани сабаб бўлган. Бундан жаҳли чиққан кампир “Менинг ҳаётимни йўққа чиқармоқчи бўляпсизларми, энди мен ҳам сизларнинг ҳаётингизни барбод қиламан” деб қўлига қурол олган. Кампир ногиронлик аравачасида судга олиб келинди.
