Аввалроқ пойтахтимизнинг Олмазор туманидаги “Тепагузар” маҳалласида яшовчи йигит 30 кишилик тўй ўтказгани ҳақида хабар қилган эдик. Ушбу хабар ижтимоий тармоқларда кўпгина шов-шувларга сабаб бўлди. Ҳаттоки, бунақанги ихчам тўйнинг бўлиб ўтганига шубҳа билан қараганлар ҳам топилди.
UZ24 нашри мазкур маҳалла раиси ҳамда тўй ўтказган йигит, унинг оиласи билан боғланди.
Олмазор тумани “Тепагузар” маҳалла раисининг сўзларига кўра, айни пайтда маҳалла фаоллари ва тадбиркорлари билан биргаликда ёш оилага кредит эвазига уй олиб бериш учун ҳаракатлар бошланган. Уйнинг бошланғич бадали тўлаб берилиб, сентябрь ойигача уларни янги уйга кўчириш режалаштирилган.