Мексиканинг Тультепек муниципалитетида пиротехника портлаши оқибатида жабрланганларнинг умумий сони 54 кишини ташкил этди, деб хабар берди Vesti.ru нашри.
Шифокорлар яраланганлардан 23 нафарининг аҳволини оғир деб баҳоламоқда. Сўнгги хабарларга кўра Тультепек устахона ва омборхоналарида сақланаётган пиротехника воситалари портлаши оқибатида 24 киши, шу жумладан полициячи ва ўт ўчирувчилар ҳалок бўлган. Ҳозирда умумий ҳисобдан 41 нафар яраланган одам касалхонага ётқизилган.
Тультепек муниципалитети ўзининг пиротехник воситалари билан машҳурдир. Деярли ҳар бир хонаданда турли хил пиротехника воситалари сақланади.
Мазкур фожиадан кейин пиротехника ишлаб чиқариш билан боғлиқ барча ишлар тўхтатилди.
Мексикада ҳар бир байрамда оммавий равишда салют отиш одат тусига кирган. Улар аксарият ҳолларда кўнгилсизлик билан якун топади.
Мехико штати фуқаро мудофааси координатори Артуро Вильчис бундай фожиаларнинг олдини олиш мақсадида ҳукуматни пиротехника воситалари ҳақида қонун чиқаришга чақирди.
