2019 йили баскетбол бўйича жаҳон чемпионатининг саралаш босқичида Филиппин ва Австралия матчи катта муштлашув билан тугади, деб хабар берди Gazeta.ru нашри.
Матч пайтида австралиялик Дэниэл Кикерт рақиб жамоа вакилига зарба берган ва оқибатда икки жамоа ўртасида оммовий муштлашув келиб чиққан. Муштлашувга мураббийлар ҳам қўшилган.
Кейин эса матч тўхтатилиб, майдонни 13 ўйинчи тарк этган. Баскетбол майдонида 3 нафар филиппинлик ва 5 нафар австралиялик қолган. Матч эса 89:53 ҳисобида Австралия жамоаси фойдасига ҳал бўлган.
