Тошкент шаҳридаги «Халқлар дўстлиги» саройи ҳудудига давлат байроғи ўрнатилди, деб хабар беради шаҳар ҳокимлигининг ахборот хизмати.
Давлат байроғининг баландлиги 65 метр, ҳажми 20 метрга 10 метрни ташкил қилади. Ҳозирги кунда ҳудудда ободонлаштириш ва кўкаламзорлаштириш ишлари олиб борилмоқда. Ушбу ойнинг 22 санасида фойдаланишга топширилади.
Мамлакатимизнинг ғурури ва ифтиҳори бўлган Давлат байроғи бу ерга ташриф буюрган ҳар бир ватандошимизга ўзгача кайфият бағишлаши табиий. Қолаверда ёш ўғил-қизларимизнинг ватанпарвар, ўз юртига содиқ, комил инсон бўлиб вояга етишларига ушбу салобатли байроғнинг хиссаси катта бўлади.
