Бразилиядаги Сан-Паулу университети Археология ва этнология музейи тадқиқотчилари олти минг йил бурунги цивилизация қолдиқларини топишди, деб таъкидлади Lenta.ru нашри.
Олимларнинг фикрича, Амазониянинг жануби-ғарбидаги овчи-теримчилар олти минг йил илгари фермерлик билан шуғулланишган.
Археологлар Мадейра дарёси қирғоқларида топилган артефактларни ўрганиб чиқишди. Малум бўлишича, асбоб-анжомлар озиқ-овқатни қайта ишлаб тайёрлашга ишлатилган. Бундан ташқари, қишлоқ хўжалиги маҳсулотларини етиштириш аломатлари ҳам топилди.