Кишинёвдан Санкт-Петербург шаҳри томон парвоз қилаётган Air Moldova авиакомпаниясининг самолётини яшин урди, деб хабар берди РИА Новости нашри.
Кишинёвдан Санкт-Петербург шаҳри томон парвоз қилаётган Е190 самолётини ҳавога кўтарилганидан кейин парвознинг ўнинчи дақиқасида яшин урган. Ҳодиса оқибатида ҳеч ким жабрланмаган, бироқ самолёт орқага қайтишга мажбур бўлган. Рейс бекор қилинган.
Самолёт ерга қўнгач, йўловчилар салонни тарк этишган ва уларга керакли ёрдам кўрсатилган. Самолёт бортида 113 нафар йўловчи бўлган. Мутахассислар техник носозликни бартараф этиш учун бортни текшириш ишларини олиб боришмоқда.
