29 июль куни соат 18.04 да Тошкент шаҳар ИИББ ЁХБ Куч ва воситаларини бошқариш ва мувофиқлаштириш бошқармасига Сергели тумани Спутник-8 даҳасидаги 58-уйда ёнғин содир бўлгани ҳақида хабар келиб тушди, деб хабар бермоқда Тошкент шаҳар ИИББ матбуот хизмати.
Ўт ўчирувчилар гуруҳи воқеа жойига саноқли дақиқаларда етиб борди. Маълум бўлишича, ёнғин 2 қаватли уйнинг 1-қаватида келиб чиққан.
Тезкор гуруҳнинг саъй-ҳаракатлари билан ёнғин соат 18.26 да тўлиқ бартараф этилди. Қурбонлар йўқ, уй эгаси, 63-ёшли Е. Алевтина ҳам жароҳат олмаган. Юқори қаватда яшовчи қўшни, 70 ёшли Б.Владимирнинг оёғи эвакуатция вақтида енгил жароҳат олган ва зудлик билан касалхонага олиб кетилган. Бошқа қўшни хонадонлардаги 4 нафар киши ўт ўчирувчилар ёрдамида қутқариб олинган.
Ёнғинга ўчирилмаган сигарета сабаб бўлгани тахмин қилинмоқда.
