Навоий вилояти, Нурота тумани, Янги ҳаёт маҳалласида яшовчи М. турмуш ўртоғи Р. билан доимий равишда жанжаллашиб келади. 28 июль куни соат 00-20 ларда уйида турмуш ўртоғининг ухлаб ётган вақтидан фойдаланиб, уни ўлдиришга уринади. Бу ҳақда Бош прокуратура матбуот хизмати хабар бермоқда.
Ухлаб ётган турмуш ўртоғининг боши, бўйин ва кўкрак қафасининг соҳаларига болта билан уриб тан жароҳатлари етказади. Шу вақтда Р.нинг бақирганлигини эшитиб хонага кириб келган отаси Б.ни кўриб, воқеа жойидан яширинади.
Шундан сўнг, М. содир қилган қилмиши учун жавобгарликдан қўрқиб, шу маҳаллада яшовчи опасининг қўшниси С.нинг яшаш уйидаги оғилхонада ўзини-ўзи осиб ўлдиради.
Жабрланувчи Р. олган оғир тан жароҳатлари билан туман шифохонасига ётқизилган.
