Нью-Жерси штати, Перт-Эмбой шаҳрида полиция ходими яқинлашиб келаётган поезд рельсида ётган одамни қутқариб қолди, дея хабар бермоқда Lenta.ru нашри.
Полицияга яқин атрофдаги темирйўл станцияси рельсида кимдир ётгани маълум қилинади. Ўша заҳоти офицер Кайл Савойя (Kyle Savoia) воқеа жойига етиб боради.
Шундан сўнг полициячи: “Қоч! Қоч!” дея бақирганча 180 метр югуради. Поезд яқинлашишига бир неча сония қолганда рельсда ётган эркак уйғониб кетиб қочади.
Маълум бўлишича, сўнгги вақтларда бир ўлимдан қолган эркакнинг ҳаётида қийин даврлар бўлган экан. Аммо рельсда нима учун ётганини ўзи ҳам тушунтириб беролмади.
