Перунинг Мачу-Пикчу шаҳрида йўловчи ташувчи поезд ҳалокатга учради, дея хабар қилмоқда Ria.ru нашри.
Хабарларга кўра, воқеа оқибатида унинг бортида бўлган сайёҳлар жароҳат олган.
Воқеа Мачу-Пикчнинг Инкан ҳаробалари яқинида рўй берди. Йўловчи ташувчи поезд темирйўл кесишмасида автомобиль билан тўқнашиб кетган. Натижада эса камида 23 нафар хорижлик сайёҳлар тан жароҳати олиб касалхонага етказилди. Улар Инка ҳаробаларини томоша қилиш учун кетаётган эдилар.
Поезднинг бир нечта вагонлари жиддий зарар кўрган. Ичкарида қолиб кетган йўловчиларни эса ҳодиса жойига етиб келган полиция ходимлари ташқарига олиб чиқишди. Тўқнашувда иштирок этган автомобиль ҳайдовчиси ва йўловчилари ҳақида аниқ маълумотлар йўқ. Ҳозирда мазкур ҳолат юзасидан тергов ишлари бошлаб юборилган.
