Жанубий Кореяда давом этаётган Соулик тайфуни мамлакатда кўплаб муаммоларни келтириб чиқармоқда, дея хабар қилди Вести нашри.
Бир қатор шаҳарларда мингдан ортиқ рейслар бекор қилинган. Шунингдек, денгиз портлари вақтинчалик ёпилди. Океанда бўлган барча кемалар ортга чақиртириб олинган. Табиий офат туфайли 1 киши бедарак йўқолган ва яна 2 нафар инсон тан жароҳати олган.
Пойтахт Сеулда ҳам вазият жиддий бўлиб, айрим талофатлар қайд этилди. Соулик сўнги 6 йил ичида Корея яриморолида кузатилган энг кучли тўфон сифатида баҳоланмоқда. Метеорология бошқармаси у янада кучайиши ҳақида огоҳлантирмоқда. Ҳукумат эса ҳозирча эвакувация тартибини жорий этишга шошилаётгани йўқ.
