U2 гуруҳининг яккахони Боно концерт вақтида овозини йўқотганлиги сабабли Берлиндаги концертини бекор қилди, деб хабар берди Ria.ru нашри.
Воқеа 1 сентябрь куни Mercedes-Benz Arena майдонида ўтказилаётган шоуда юз берган. Шоу олдидан Бононинг ўзи ҳам овози ҳам аъло даражада бўлган. Бироқ 2 та қўшиқдан кейин унинг овози чиқмай қолган. Шундан кейин концерт бекор қилинган.
Гуруҳ аъзоларининг айтишича, Бонога нима бўлгани номаълум, ҳозирда у шифокорлар кўригидан ўтмоқда. Боно овози чиқмай қолгандан кейин томошабинларга қарата “ Мен ҳеч қачон тамаки чекмаганман, аммо ҳозир худди ашаддий кашанда каби овозим бўғилиб қолди...” дея узр сўраган ва тутун чиқарувчи машинани ўчиришни илтимос қилган.
