Италиянинг шимолида жойлашган Каннето-суль-Ольо шаҳридаги коммунал музейи биносига адекват ҳолатда бўлмаган аёл пичоқ кўтариб кириб, ташриф буюрганларга ҳужум қилди, деб хабар берди Ria.ru нашри.
Шундан кейин аёл кўчага чиқиб, ўткинчиларга пичоқ ўқталган. Ҳужум оқибатида 4 киши яраланган, улардан бири 54 ёшли аёл олган тан жароҳати оқибатида касалхонада вафот этган. Бошқа жабрланганларнинг аҳволи қониқарли даражада.
Воқеа жойига етиб келган полициячилар музей атрофини ўраб олишган. Аёл қўлга олинган. Аниқланишича, у 58 ёшли, Польша фуқароси бўлган. Ҳозирда воқеа тафсилотлари ўрганилмоқда. Уни қўлга олган полициячиларнинг айтишича, аёлнинг кўзи косасидан чиққудек, қўрқинчли бўлган.
