Ҳиндистонлик аёл жуда кам учрайдиган Горхем касаллигига чалинганлиги сабабли елка суякларидан ажралди, деб хабар берди lenta.ru нашри.
Ҳиндистоннинг Пондичерри шаҳрида яшочи, ҳозирда исми-шарифи сир тутилаётган 37 ёшли аёл елкасидаги кучли оғриқлар туфайли шифокорларга мурожаат қилди. У уч ойдан бери елкаси оғриб, чап қўлини қимирлата олмаётганидан шикоят қилган.
Аёлнинг елкасини текшириб кўрган мутахассисларни унинг жудаям юмшоқлиги, бемор қўлини орқага бемалол айлантириши ўйлантириб қўйди. Рентген натижалари эса елка ва куракни бирлаштирувчи суякнинг йўқолиб қолганлигини кўрсатди. Магнит-резонанс томографияси ҳам бу ҳолатни тасдиқлади.
Ногирон бўлиб қолишдан қўрққан аёл операциядан бош тортди. Орадан 2 йил ўтганига қарамай, касаллик хуруж қилмаган, шундан кейин аёл шифокорлар кўригига қатнашдан батамом тўхтаган.
