Туркманистонда 11 сентябрь куни “Амуль-Хазар 2018” автораллиси старт олди. Халқаро раллини кенг ёритаётган миллий матбуот пойгани “Амуль-Хазар 2018” эко-ралли-рейди, дея атади.
Шахсан Туркманистон президентининг таъкидлашича, авторалли старт олганидан кейин, тадбир иштирокчилари ўз автомобиллари учун экологик ёнилғидан фойдалана бошлайдилар.
Давлатга тегишли ДТХ ахборот агентлиги президент Гурбангули Бердимуҳамедовнинг “Пойганинг бу кўриниши заҳарли газларнинг чиқиши билан боғлиқ бўлгани боис мамлакатимизда бу тадбирни ташкиллаштириш жараёнида экология масаласига биринчи даражали вазифа, дея аҳамият қаратилди“, деган сўзларидан иқтибос келтирмоқда.
Давлат раҳбарининг сўзларига таянган ҳолда нашрнинг таъкидлашича, Туркманистон ўз сиёсатида атроф-муҳит муҳофазасига ҳамиша катта аҳамият қаратиб келган, шу сабабли “Амуль-Хазар 2018” ралли иштирокчилари Туркманистонда ишлаб чиқарилган экологик тоза “ЭКО-5” ёнилғиси билан таъминланди.
“Биз шунингдек, газдан экологик синтетик бензин ишлаб чиқаришни режалаштирганмиз. Бу ўз навбатида келажакда спортнинг бу турини янада ривожлантириш имконини беради“, деди Туркманистон президенти.
Авторалли “Асуль-Хазар 2018“ Туркманобод шаҳрида президент Бердимуҳамедов иштирокида старт олди. Жаҳоннинг 20та мамлакатидан келган 80га яқин экипаж қатнашаётган “Амуль-Хазар 2018“ авторалли иштирокчилари беш кун мобайнида Қорақум чўллари бўйлаб 1500 километрдан кўпроқ масофани босиб ўтишади ва 15 сентябрь куни Каспий денгизи соҳилларига боришади.
