Apple компанияси анъанавий равишда янги қурилмалари тақдимотини ўтказди, деб хабар бермоқда Lenta.ru нашри.
Бу гал бир эмас, бир нечта моделлар намойиш этилган.
Кутилганидек, компания iPhone’нинг учта янги модели – iPhone XS, XS Max ва XR’ни тақдим қилди. Тақдим қилинган барча янги моделларда iPhone X дизайни сақланиб қолинган. iPhone XS 5,8 дйюмли ва 2436х1125 пикселли экран, iPhone XS Max эса 6,5 дюймли ва 2688х1242 пикселли экрандан иборат. iPhone XS ва XS Max 6 ядроли A12 Bionic процессорида ишлайди. Компанияда таъкидланишича, ушбу процессор дастурларга iPhone X’дагидан 30 фоиз тезроқ ишлашга имкон беради.
