Ўзбекистон Республикаси Бош вазир ўринбосари, Хотин-қизлар кўмитаси раиси Танзилла Нарбаева Тошкент вилоятида фаолият юритаётган теримчи аёллар билан учрашди, деб хабар берди қўмита матбуот хизмати.
Айни вактда вилоятнинг 22 та шаҳар ва туманларининг ҳар бирида 100 нафар ишсиз аёллардан иборат “Ташаббускор хотин-қизлар отрядлари” ташкил этилган бўлиб, бунинг натижасида 2200 нафар хотин-қизларимиз мавсумий иш билан таъминланиб, яхши даромад олиш имконига эга бўлмоқда.
Танзилла Нарбаева пахта далаларида бўлиб ўтган ана шундай учрашувлар чоғида уларнинг ҳолидан хабар олиб, самимий мулоқотда бўлди.
