Турк полицияси саудиялик журналист Жамол Хошогийнинг йўқолиши юзасидан тергов доирасида Саудия Арабистонининг Истанбулдаги бош консуллигига кириб тинтув ўтказади, деб хабар бермоқда Лента.ру нашри.
Аввалроқ ушбу иш бўйича икки давлат ишчи гуруҳи биринчи йиғилишини ўтказган эди. Reuters ахборот агентлиги берган маълумотларга қараганда, Туркия ҳукумати журналист консулликда ўлдирилган бўлиши мумкинлигини тахмин қилмоқда. Саудия Арабистони ҳукуматининг таъкидлашича, журналист консуллик биносини тарк этгандан кейин йўқолиб қолган.
Бироқ Туркия президенти Ражаб Тоййиб Эрдўғаннинг айтишича, Саудия Арабистони журналистнинг йўқолишига алоқадор эмаслигини исботлаши лозим, ҳозирча эса унинг важлари ишонарли эмас. Бошқа манбалар эса Саудия Арабистони консуллиги, журналистнинг ўлимини маълум қилиш учун тайёрланаётганини хабар қилмоқда.
