2005 йил Брэд Ньюберг дастурчи бўлиб қолиш ҳамда офисда тер тўкиб ишлаш ўртасидаги саволга энг оптимал ечим – икки офисни бирлаштирди ва шу орқали дунёдаги биринчи Коворкингга асос солди.
Бир неча йиллардан сўнг коворкинг оммалашиб бутун дунё бўйлаб тарқалди. Бугунги кунда бир вақтнинг ўзида стартапчилар ҳамда дастурчилар биргаликда ишлайдиган коворкинг офислари барча йирик шаҳарларда мавжуд.
Жумладан, Навоий шаҳрида ҳам биринчи “Coworking маркази” биноси фойдаланишга топширилди. Вилоят ҳокими Кобул Турсунов, корхона, ташкилот раҳбарлари ҳамда ёшлар иштирок этган ушбу маскан ёшларнинг ҳаётга янгича ёндашуви, замонавий фикрлар, инновацион ғоялар шаклланадиган, ҳаётга татбиқ этиладиган марказ бўлишидан далолат беради.
Тадбиркор Суннатилло Исроилов томонидан 2 миллиард 200 миллионга қурилган ушбу бино 4 қаватдан иборат. 1 қаватида “Coworking маркази” қолган қаватларидааёллар учун фитнес клуб ҳамда чет-эл инвесторлари учун барча қулайликларга эга офис ташкил этилади. Ушбу бинонинг қолган қаватларида фаолият бошланса жами 20 нафар ёш иш билан таъминланади.
Мен “Дилмонд” ишлаб чиқариш хусусий савдо фирмаси раҳбари Қамбарали Наврўзовман. Илк тадбиркорлик фаолиятимни бошлаш жараёнида жуда ҳам қийналганман. Бизнес режамни амалга оширишда албатта менга тажриба ва кўникма зарур бўлган. Ҳозир бу масканни кўриб, тадбиркорликка қизиқувчи ёшларнинг ғояларини қўллаб-қувватловчи, йирик тадбиркорлар билан тажриба алмашувчи, шинам ва қулай офислар тадбиркорлик фаолиятини бошлашга ва дадил қадам ташлашида ушбу маскан ёрдам беради. Фақат бу имкониятдан унумли фойдаланилса бас. Марра ёшлар қўлида...
