Мексикада вертолётнинг қулаб тушиши оқибатида Пуэбл штатининг янги губернатори 45 ёшли Марта Эрика Алонсо ҳалок бўлган, деб хабар бермоқда Mirror нашри.
Воқеа 24 декабрь куни Коронанго ҳудудида юз берган.
Нашр маълумотига кўра, вертолётда губернатор билан бирга унинг турмуш ўртоғи ва штатнинг собиқ губернатори Рафаэль Морено Валье ҳам ҳалок бўлган.
Марта Алонсо 10 кун олдин ушбу вазифасига киришган эди.
Мексика Президенти Андрес Мануэль Лопес Обрадор Алонсо ва Вальенинг ҳалокати муносабати билан ҳамдардлик билдириб, ҳукуматга зудлик билан ҳалокат сабабларини ўрганишни топширган.
