Франция пойтахти Париж шаҳрининг йирик вокзалларидан бири ҳисобланган Лион вокзалида ёнида портловчи модда бўлган жандарм қўлга олинди, деб хабар берди Лента ру.нашри.
Махсус текширув вақтида жандармнинг ёнида портловчи модда борлиги аниқланган. Аммо у ҳуқуқ-тартибот идораси ходимларига қаршилик кўрсатган. Шунга қарамай, жандарм қўлга олиниб, полиция участкасига олиб келинган.
Жандарм ишдан четлаштирилган ва унга нисабатан ноқонуний равишда қурол, портловчи модда олиб юрганлик айблови қўйилган. Айни вақтда унинг исми-шарифи ошкор этилмаяпти. Фақатгина 1989 йилда туғилгани, Франция қуруқликдаги қўшинлари сафида хизмат қилгани, портловчи қурилмалар мутахассиси эканлиги маълум қилинган.
